Á kjörtímabilinu höfum við:
- Stutt hinseginfræðslu í skólum bæjarins.
- Unnið að jafnlaunavottun hjá Mosfellsbæ en bærinn fékk gullmerki Jafnlaunavottunar PwC nú í vor.
- Endurskoðað verkferla hjá sveitarfélaginu í kjölfar meetoo-byltingarinnar.
Jafnréttismál
Sveitarfélögum ber að tryggja jafnrétti kynjanna og uppræta kynbundinn launamun. Vinna þarf gegn kynbundnu ofbeldi, klámvæðingu, mansali, vændi og skaðlegum áhrifum staðalmynda. Tryggja þarf jafnréttis- og hinseginfræðslu auk fræðslu um kynbundið ofbeldi í skólum.
Vinstri græn vilja:
- Tryggja jafnrétti kynjanna í allri starfsemi sveitarfélagsins og vera á varðbergi gagnvart kynbundnum launamun.
- Efla jafnréttis- og kynjafræði í leik- og grunnskólum bæjarins.
- Berjast gegn kynbundnu ofbeldi og efla forvarnir og viðbrögð innan stjórnsýslunnar gegn því.
- Vinna markvisst að því að jafna stöðu kynjanna meðal starfsfólks sveitarfélagsins og stuðla að því að störf innan þess skiptist ekki í kvenna- og karlastörf.
- Horfa til jafnréttissjónarmiða í allri ákvarðanatöku í málefnum sveitarfélagsins.